Gipasalig sa Malacañan nga ang nagpadayon ang reporma sa Bureau of Customs (BOC), human kini giisip sa US State Department nga “most corrupt” nga ahensya sa nasud.
Matod ni Palace Press Officer USec. Claire Castro, seryoso ang Presidente sa pakigbatok sa korapsyon, butang nga iyang gipasiugda sa iyang miaging SONA.
Kabahin sa kausaban mao ang pagtudlo kang Commissioner Ariel Nepomuceno nga mangulo sa BOC ug pagpatuman sa halapad nga reporma.
Matud pa ni Castro nga ang BOC sa pagkakaron naghimo ug mga lakang aron makig-alayon sa American Chamber of Commerce ug sa US Embassy pinaagi sa Department of Foreign Affairs aron ipasabot ug ipakita nga adunay usa ka sweeping reform agenda nga gipatuman nga nagpasiugda sa transparency, accountability ug professionalism.
Ang BOC hingpit usab nga nagpatuman sa panagbangi sa interes sa mga propesyonal nga dili tugutan nga moapil sa negosyo o adunay pinansyal nga interes sa Customs brokerages.
Ang proseso sa BOC hapit usab 97% digitalized alang sa mas paspas ug mas transparent nga mga serbisyo.
Dugang pa, gipasiugda ang bag-ong mga sistema sama sa Overstaying Cargo Tracking ug koordinasyon sa World Customs Organization.
Matod ni Usec. Castro, ilang gipaabot nga positibo ang tubag sa US sa gipatuman nga mga kausaban.
