Pormal ng nagpinirmahay ang Bombo Radyo Cebu ug ang Cebu Provincial Council National Council Governor General Tau Gamma Phi Triskelions’ Grand Fraternity and Sorority, ingon man ang externalCebu City Council ug ang Mandaue City Council pinaagi sa usa ka Memorandum of Agreement karong adlawa, Oktubre 16.
Diin personal nga miabot sa sibyaanan sila si Shown P. Abella, ang Vice – Chairman (external) Cebu City Council, Jherdol Garcia, ang Chairman of Mandaue City Council ug si Rechie ” Ricoy ” Mabatid, sa Cebu Provincial Council National Council Governor General Tau Gamma Phi Triskelions’ Grand Fraternity and Sorority aron moapil sa panawagan nga pinaagi sa pagdonar og dugo kay dako na kini og tabang gumikan makaluwas kini og kinabuhi.
Matud ni Rechie Mabatid nga mao na usab kini ang ilang mission ug vision nga makatabang sa isig Pilipino busa lakip sila sa mga nanawagan nga aduna kini maayo nga tumong, ingon man nga nipadayag kini og pasalamat tungod kay adunay susama nga inisyatiba nga dako og tampo sa mga hilabihan nga nagkinahanglan.
Gipaambit usab ni Jherdol Garcia nga ubay-ubay na ang ilang mga nasalmutan nga susamang kalihokan nga nagtumong sa kaayohan sa katawhan hinungdan nga walay pagduha-duha nga nakigtambayayong s Bombo Radyo Cebu aron ipaabot ang ilang suporta nga suportado niini blood donation drive.
Ingon man nga dili pa tataw kon pila ang ilang maawhag apan nipasalig si Shown P. Abella nga karon dayon ilang lihokon ang angay nga mga lihokon aron daghan nga ihap ang ilang mahatag sa sibyaan nga moapil ug makighiusa sa bloodletting activity.
