Mga foreign investors, nabalaka bahin sa nagpadayon nga korapsyon sa flood control projects

Gikumpirma sa grupo sa mga negosyante sa nasud nga daghang mga langyaw nga tigpamuhunan ang nabalaka ug nagduha-duha nga magnegosyo sa nasud.

Kini may kalambigitan sa nabutyag nga mga anomaliya sa mga flood control projects sa nasod.

Matod ni ASEAN-BAC Philippines chairperson Joey Concepcion, adunay pipila ka mga langyaw nga investor nga nangutana kanila bahin sa maong isyu.

Gusto nila nga masiguro nga dili sama ka grabe ang lebel sa kurapsyon nga nahitabo sa nasud.

Dugang pa ni Concepcion nga ang imbestigasyon ug pagpanubag sa mga nalambigit makatabang sa paghupay sa kakulba sa mga langyaw nga tigpamuhunan.