Gihangyo ni Batangas 1st District Representative Leandro Leviste si DPWH Sec. Vince Dizon nga motugot nga pakunhuran ang pundo sa mga proyekto ubos sa 2026 budget hangtod sa 25%.
Matod ni Leviste, kini aron mawagtang ang sistema sa kurapsyon nga naglibot sa mga proyektong pampubliko nga gipatuman sa DPWH.
Gibutyag ni Leviste nga ang 25% nga pag-umento sa tanan nga proyekto sa ahensya mamahimong solusyon para mawala ang kickback o porsiento nga mapunta sa mga project proponents sama sa mga congressmen, DPWH officials, ug uban pa.
Nangatarungan usab ang kongresista nga kun putlon ang maong porsiyento sa matag proyekto sa ahensya, moresulta kini sa mas ubos apan tukma nga budget, ug seguradong dili manlimbong ang mga proponent.
Samtang miapelar si Leviste kang Dizon, ug nanghinaot nga mahimong bayani sa nasud kini ug tugotan ang pagpatuman sa 25% across the board cut sa matag proyekto, sa dili pa maaprobahan ang 2026 budget sa ahensya.
