Gimando sa usa ka korte sa nasud nga Turkiye ang usa ka lalaki nga mubayad og compensation sa iyang ex-wife para sa material ug moral damages human ginganlan niya kini og “chubby” sa contact number sa iyang selpon.
Kasayran nga ang mga managtiayon kay hilig mag-angga-angga sa usag-usa apan kini nga sitwasyon dili haom para sa tanan.
Nagbuwang ang maong magtiayon human masakpan sa iyang asawa nga sungog ang naka-save nga pangan niini sa contact number sa selpon sa iyang bana.
Ang Court of Cassation mihukom nga ang asawa angayng makadawat og kompensasyon sa maong panghitabo diin ang pangang “Tombek” o ang Turkish word sa chubby maoy nakapangan sa iyang contact list.
Giangkon sa asawa nga malaw-ay para kaniya ang pag-angga og chubby sa iyang bana nga maoy nakaguba sa ilang kaminyuon.
