Nimando si House Speaker Bojie Dy III sa pag-reconstitution sa Statement of Assets, Liabilities and Net Worth (SALN) Review and Compliance Committee sa House of Representatives, subay sa Republic Act No. 6713 o Code of Conduct and Ethical Standards for Public Officials and Employees.
Gitudlo ni Speaker Dy si Deputy Speaker ug South Cotabato 2nd District Representative Ferdinand L. Hernandez isip Chairperson sa Committee.
Ang mga Vice Chairpersons kay sila Iloilo 3rd District Representative Lorenz R. Defensor ug Marikina 2nd District Representative Romero Federico S. Quimbo.
Samtang ang ubang mga sakop sa komitiba mao sila Rep. Jose “Bong” J. Teves Jr. (TGP Party-list); Maria Cristina C. Angeles (Tarlac 2nd District), Rep. Wilfrido Mark M. Enverga (Quezon 1st District), Rep. Angelo M. Barba (Ilocos Norte 2nd District), Rep. Arlene J. Bag-ao (Dinagat Islands Lone District).
Sa memorandum nga giluwatan ni Speaker Dy, ila dayong ipatuman ug magpadayon sa ilang katungdanan.
Kini nga lakang nunot sa pahibalo ni Speaker Dy nga ang Kamara mosusi sa mga giya kalabot sa pagpagawas sa publiko sa mga SALN sa mga miyembro, isip kabahin sa pagpalig-on sa transparency ug accountability sa gobyerno.
Gipaambit ni Dy nga kadaghanan sa mga magbabalaod kay abli sa ideya sa pagbutyag sa ilang mga SALN sa publiko.
Nunot niini, si Speaker Dy nipagawas sa iyang kaugalingong SALN sa media sa samang adlaw, pagtuman sa una niyang saad nga abli sa publiko ang kasayuran sa iyang bahandi.
