Gipirmahan na ni Presidente Ferdinand “Bongbong” Marcos Jr. ang pag-istablisar sa floor price sa tipasi (unmilled rice) aron sa pagtabang sa mga mag-uuma sa ilang kita sa mga tinanom.
Ang Executive Order No. 100 kay gipirmahan sa presidente niadtong Sabado, Oktubre 25 nga nagpaila sa “trigger mechanisms” sa floor price ug pag-implementar batok sa mga hilabihang ubos nga palit sa farmgate prices sa tipasi.
Nagsiguro kini sa equitable profit taliwala sa nagkasaka nga production cost.
Matod pa sa presidente nga ang kakuwang sa “makatarunganon ug patas” nga floor price sa tipasi nga nagpabiling makalulooy sa huyang nga presyohan sa kamerkadohan ilabi na sa katas sa harvest season.
Dugang pa niini ang ang ubos nga presyo kay tungod sa oversupply, weather-related impacts, ug dili makatarunganon nga pamatigayon nga nakapatarog sa panginabuhian sa mga mag-uuma ug sa ilang panginabuhian.
Nagmando sab agn EO 100 sa Department of Agriculture sa pagdeterminar ug pag-adkust sa floor price sa tipasi nga balanse sa kondisyon sa presyohan sa merkado, kaayohan sa mga mag-uuma, ug abot-kaya sa konsumidor.
