Nagpahibalo ang Municipal Government of Badian, kabahin na sa temporaryo nga pagsira sa Badian Canyoneering Area nga epektibo gahapong adlawa, Oktubre 26, 2025, aron tugotan ang dugang nga pagtimbang-timbang sa lugar ug mga operasyon sa paghawan.
Samtang ang Municipal Disaster Risk Reduction and Management Office (MDRRMO) og pagtimbang-timbang ug paghawan sa lugar aron masiguro ang kaluwasan sa tanang ruta sa canyoneering. Bisan pa, gikinahanglan gihapon ang dugang nga inspeksyon ug mga kalihokan sa paghawan aron masiguro nga ang lugar hingpit nga luwas alang sa mga turista ug mga trabahante sa turismo.
Giklaro usab niini nga ang Kawasan Falls magpabilin n nga abli sa publiko ingun man sa mga turista, ug ang
kalihokan sa canyoneering lamang ang temporaryo nga gisuspinde hangtod nga makompleto ang tanan nga gikinahanglan nga mga pamaagi sa kaluwasan, mga operasyon sa paghawan, ug mga balidasyon.
Nunot niini, ilahang gihangyo ang pagsabot ug kooperasyon sa tanang mga giya, operator, ug mga bisita samtang ilahang gipadayon ang pagmintinar sa kaluwasan, pagpadayon, ug responsable nga mga pamaagi sa turismo sa Badian.
Kahinomdoman nga niadtong Oktobre 23, usa ka 39 anyos nga tour guide ang naangol human naigo sa mga nahulog nga bato samtang nagtrabaho sa Badian, Cebu.
Sukad niadto, ang local government unit (LGU) sa Badian naghatag na sa gikinahanglan nga medikal ug pinansyal nga tabang sa nasamdan nga guide.
