Human nga ni-landfall ang Bagyong Tino sa Sugbo sa makaduhang higayon, ubay-ubay ang mga residente nga nanawagan og hinanaling tabang samtang sila anaa nagpahimutang sa mga atop sa ilahang balay.
Gikabutyag ni Ace Durano, ang Provincial Administrator sa Cebu Provincial Capitol atol na sa esklusibong pakighinabi sa Bombo Radyo Cebu kaniya nga ang baha mao ang nag-unang hagit sa mga katawhan sa Sugbo.
Giklaro niya nga dili ingun ana kadako ang kadaot nga natala sa Bagyong Tino tungod sa gikusgon sa hangin, apan mas dako ang gihatag nga kadaot niini tungod sa kakusog nga bunok sa uwan hinungdan nga nang awas ang mga sapa sa dakong bahin sa Sugbo.
Dugang niya, dako ang bahin sa Sugbo ang nabahaan ilabi na sa Talisay City, Cebu diin daghan kaayo ang mga villages nga gamay nalang og kuwang mosangko na ang tubig baha sa mga atop sa panimalay.
Gawas niana, nanglutaw usab ang mga sakyanan sa Bacayan ning Dakbayan sa Sugbo, diin sa dihang ni lurang-lurang na ang tubig-baha, nag patong patong na ang mga sakyanan ug dili na ma hitsura ang postura niini.
