Gibutyag sa Mayor sa dakbayan sa Sugbo nga 90% na sa mga kadalanan ang maagian human sa subsob nga clearing operation apan nagpabilin gihapon sa 5 ngadto sa 10 porsyento ang padayon nga gitrabaho.
Lakip na niini ang gikan sa mainland Cebu hangtod sa Lusaran ug ang ikaduha ang gikan sa Tagbao hangtod sa Mangabon.
Samtang ang Dakbayan sa Sugbo adunay nagpabilin nga lisod maabot gumikan sa mga bara sa dalan ug mga nadaot nga taytayan tungod sa bagyong Tino.
Ingon man nga gipasalig ni Mayor Nestor Archival nga magpadayon sila sa operasyon hangtud nga hingpit na nga maagian ang tanang kadalanan lakip na ang mga kabukirang bahin sa Sugbo.
Gawas niini, gihatagan usab og pagtagad ang pagpabalik sa kuryente ug linya sa tubig apil usab ang padayon nga pahatag og tabang sa mga nabiktima nga anaa gihapon sa mga evacuation center.
