Nabaligya sa subasta ang pinakaunang edisyon sa Superman comics sa kantidad nga $9.1 milyon.
Sumala sa Heritage Auctions sa Texas, ang orihinal nga kopya sa Man of Steel comics gipagawas niadtong Hunyo 1939 diin kini gipanagiya sa mag-igsoon gikan sa San Francisco, California.
Ang mga igsoon nag-ingon nga aksidente nilang nadiskobrehan ang mga komiks nga iya sa ilang namatay nga inahan.
Matud pa nga nanglimpyo sila sa ilang balay sa dihang nakakita sila og mga pundok sa mantalaan ug nakit-an nila ang mga komiks didto.
Anaa sa pangedaron nga 50 ug 60 anyos ang duha ug ang ilang inahan kanunay nga nagsulti kanila nga siya adunay mahal nga mga koleksyon sa komiks apan wala niya kini gipakita.
Kini ang giisip nga pinakamahal nga mga komiks nga gibaligya sa subasta sa kasaysayan.
Nalabwan niini ang Action Comics No. 1 niadtong 1938 nga unang nagpaila kay Superman ug gibaligya sa kantidad nga $6 milyon.
