Patay human gipusil sa makapila ka higayon ang barangay captain sa Tres de Mayo sa Digos City, Davao del Sur niadtong Martes sa gabii, Nobyembre 25, 2025.
Giila ang biktima nga si Kapitan Oscar “Dodong” Bucol Jr. diin sa maong panghitabo kay naka Facebook livestreaming kini sa dihang adunay mipusil kaniya sa wala pa matinong hinungdan sulod mismo sa iyang kaugalingong panimalay.
Sa wala pa kini napusilan, miamuma pa si Bucol sa usa ka nagpailang “good Samaritan” nga daw usa ka welder nga si alyas “Beting Derecho” nga nakakita og wallet diin aduna kiniy sulod nga ID ug kwarta.
Apan pipila ka minutos ang milabay samtang nakig-istorya kang Derecho kay nadungog na ang tingog sa pusil sa makadaghang higayon.
Gani, nakita pa sa video nga nagpakatabang ang biktima sa mga kaubanan sa panimalay niini apan hinay-hinay na kining nawad-an og panimuot.
Gideklarang dead-on-arrival sa paghatod sa biktima sa tambalan tungod sa mga nahiaguman samad-pinusilan niini.
Kasamtangang nagpadayon pa ang pagsuta ang insaktong serye sa panghitabo ug ang hinungdan niini apan sumada sa pipila ka mga netizens nga posibleng panagbangi sa politika ang tinubdan ang pagpamusil.
