Kusganong gihimakak sa kanhi Presidential Spokesperson nga si Atty. Harry Roque sa mga tsismis nga nag-ingon nga siya gidakop sa Schiphol Airport sa Amsterdam, Netherlands.
Sa usa ka pamahayag, si Roque miingon nga ang report sa iyang pagkadakop kay dili tinuod.
Sa pagka tinuod, nakapalit pa gani siya og ticket ug adunay naka-eched nga flight paingon sa Austria.
Nahimong init nga hisgutan ang isyu human migawas ang report nga si Roque giingong gidakop sa nahisgutang airport.
Tungod niini, si Senate President Tito Sotto mismo nangayo og katin-awan gikan sa Department of Foreign Affairs (DFA) bahin sa maong balita.
Sumala sa DFA, wala pa silay nadawat nga kumpirmasyon gikan sa ilang mga opisyal ug embahada sa Europa bahin sa giingong pag-aresto kang Roque.
Bisan pa sa nag-kalat nga mga report, gipadayon ni Roque nga gawasnon siya ug wala siya nabalaka sa mga plano sa gobyerno sa Pilipinas.
Apan sa bahin sa Malacanang, giangkon nga dili ang administrasyon ang nagmando sa pag-aresto kang Roque kondili ang korte, tungod sa seryosong kaso nga giatubang sa abogado.
