Hugot ang pagbantay, matod pa sa Department of the Interior and Local Government (DILG) kabahin na sa pagbantay sa mga suspek nga nag-atubang og mga kaso sa malversation pinaagi sa falsification ug paglapas sa Anti-Graft and Corrupt Practices Act, subay sa mando ni Presidente Ferdinand Marcos Jr, diin nalakip sa mga akusado mao si Sarah Discaya, tag-iya sa St. Timothy Construction.
Sumala sa DILG, sa higayon nga ma-isyu na ang warrant of arrest, kini ipatuman dayon aron mapasaka ang kaso sa mga nalambigit.
Kabahin niini, ang Philippine National Police (PNP) miingon usab nga seryoso nilang giatubang ang mga alegasyon bahin sa giingong ghost project.
Samtang si Acting PNP Chief Lt. Gen. Jose Melencio Nartatez Jr. miingon nga ang pulis andam nga mohimo og warrant execution ug motabang sa imbestigasyon.
