Nagmando si US President Donald Trump og kompleto ug hingpit nga pagbabag sa tanang gi-sanction nga mga oil tanker nga mosulod ug mogawas sa Venezuela.
Sa usa ka post, si Trump miingon nga ang gobyerno sa Venezuelan leader Nicolas Maduro gitudlo nga usa ka langyaw nga teroristang organisasyon ug giakusahan sa pagpangawat sa mga kabtangan sa US ingon man sa “Terorismo, Pagdagmal sa Droga, ug Pagpamaligya sa Tawo.”
Gihimo ni Trump ang pahayag usa ka semana human gisakmit sa US ang usa ka oil tanker gikan sa kadagatan sa Venezuela.
Hangtod karon, wala pa motubag ang Venezuela sa mga bag-ong pahayag sa Presidente sa US.
Samtang, si Trump miingon usab nga ang Venezuela gilibutan sa pinakadako nga ‘Armada’ sa kasaysayan sa South America.
Mahinumduman nga balik-balik nga giakusahan ni Trump ang Venezuela sa pagpayuhot og droga ug sukad sa Septyembre, hangtod sa 90 ka mga tawo ang napatay sa militar sa US sa ilang mga pag-atake sa mga sakayan nga giingong nagdala og fentanyl ug uban pang ilegal nga droga sa US, apan ang bahin sa Venezuela mihimakak niini.
