Padayon nga gipahinumdoman sa Department of Health (DOH) ang publiko sa kamahinungdanon sa regular nga paghugas sa kamot gamit ang sabon ug tubig, o ang paggamit og alcohol-based hand sanitizer, labi na sa panahon sa kapaskohan.
Tungod sa padayon nga pagdagsa sa mga tawo sa mga merkado ug uban pang mga lugar isip pagpangandam sa Pasko, nagpasidaan ang DOH nga ang posibilidad sa pagkaylap sa mga kagaw, bakterya, ug uban pang mga mikrobyo nga mahimong hinungdan sa sakit nagkadaghan.
Busa, kusganong nanawagan ang departamento sa tanan nga magpraktis sa hustong paagi sa paghugas sa mga kamot.
Kini aron epektibong mapugngan ang lainlaing mga klase sa sakit ug mapanalipdan ang kahimsog ug kaluwasan sa tibuok pamilya atol sa panahon sa kapaskuhan.
Agig suporta sa panglawas sa publiko, ang DOH nagpadayon sa paghatag og lainlaing mga pahinumdom, impormasyon, ug tambag.
Tumong sa ahensya nga mapalapdan ang kahibalo sa publiko bahin sa hustong mga pag-amping nga kinahanglan buhaton aron magpabiling himsog ug luwas karong panahon sa kapaskuhan.
Pinaagi sa pagtinabangay ug pagsunod sa yano nga mga lagda sa panglawas, masiguro nato ang usa ka malipayon ug himsog nga Pasko alang sa tanan.
