Giatake na sab sa Russia ang Kyiv ug ubang bahin sa Ukraine pinaagi sa ginatos nga missiles ug drones niini niadtong Sabado, Disyembre 27 sa wala pa ang gilaumang panagtagbo ni Ukrainian President Volodymyr Zelenskiy ngadto kang U.S. President Donald Trump sa hisgutanang tapuson na ang dul-an upat ka tuig nga gyera.
Sumala ni Zelenskiy nga ang overnight attack kay naglakip sa 500 ka mga drones ug 40 ka mga missiles nga maoy hinungdan sa pagkapalong sa serbisyo sa kuryente sa Kyiv nga gilaraw isip tubag sa Russia sa nagpadayong peace efforts nga gipatung-an sa Estados Unidos.
Dugang ni Zelenskiy nga ang ilang panagpulong kay nakatutok sa garantiya sa seguridad ug control sa mga teritoryo sa higayong matapos ang panagbangi sa ginganlang og pinakaduguong gyera sa Europa sukad kaniadtogn Ikaduhang Gubat sa Kalibutan (World War II).
Ang pagpangataki kay mihangtod pa ug buntag sa kapin 10-oras nga air raid alert sa Kyiv diin sumala pa sa mga awtoridad nga duha ang patay samtang 46 ang samdan lakip na nag duha ka bata.
