PROVINCE OF CEBU- Nanawagan si Cebu Gov. Pamela Baricuatro alang sa mas lig-on nga alignment, transparency, ug pagsalig sa pangagamhanan atol sa pagbukas sa tulo ka adlaw nga Cebu Investment Forum niadtong Enero 12, 2025.
Sa iyang mensahi sa atubangan sa mga investors og mga liderato matud ni Baricuatro nga iyang gi acknowledge ang dugay nang potensyal sa Sugbo, nga ang probinsiya dugay nang dato sa talento, estratehikong lokasyon, ug oportunidad, apan nabug-atan sa kawalay kasiguruhan ug nawala nga mga oportunidad.
Sigon ni Baricuatro nga mas mo lambo pa ang Sugbo, hinungdan nga misulod siya sa natad sa serbisyo publiko og karon nagtindog atubangan sa mga stakeholder isip gobernador, nga adunay mandato sa pagreporma ug pag-usab sa panggobyerno.
Gihimug-atan niini nga ang iyang administrasyon nakahimo og sayo nga desisyon sa pagdumala nga adunay transparency, bukas sa publiko, ug mga institusyonal nga sistema nga labaw pa sa mga personalidad.
Matud niini nga ang Cebu Investment Forum, nagpakita kini nga igong lakang pinaagi sa panaghiusa sa mga lider aron makahimo og usa ka hiniusang direksyon sa ekonomiya alang sa probinsiya.
Giila usab ni Baricuatro nga nahimong hagit ang pagpahigayon sa forum gumikan kay ang kagamhanan sa Probinsya sa Sugbo kinahanglang mo tubag sa emerhensiya, sama sa nakalabayng kalamidad samtang nagpadayon sa pagduso og reporma.
Gipasiugda sa Gobernadora nga ang labing dakong bahandi sa Sugbo mao ang mga tawo niini, nga gihulagway sila nga lig-on, hanas, ug globally competitive, taliwala sa mga higayon nga napakyas ang sistema sa pagtuman sa mga saad.
