Mapasalamaton gihapon ang Filipina tennis star nga si Alex Eala sa mainit nga suporta sa iyang mga fans bisan pa man og napildi siya sa unang round sa Australian Open.
Bisan pa man og wala molampos ang 20-anyos nga si Eala batok kang Alycia Parks sa US sa score nga 0-6, 6-3, 6-2, daghang mga Filipino fans nga nitan-aw sa iyang dula ang nahingangha gihapon.
Miingon ang 20-anyos nga si Eala nga ang mainit nga suporta sa mga Pilipino bisan asa sa kalibutan usa ka inspirasyon sa iyang pagdula.
Nagtuo siya nga kini adunay maayong impluwensya sa pagpalambo sa dula sa tennis sa Pilipinas.
Gikatakda siyang modula sa doubles karong adlawa diin kauban niya si Ingrid Martins sa Brazil ug ilang atubangon sila si Shuko Aoyama sa Japan ug Magda Linette sa Poland.
