Mitambong ang 189 ka mga delegado sa Association of Southeast Asian Nations Summit nga gipahigayon sa Probinsya sa Bohol, partikular na sa Panglao, diin pipila sa mga delagado sa nagkadaiyang nasud ang mibista.
Matud ni Police Col. Kimberly Molitas, ang Hepe sa Regional Community Affairs and Development Division sa PRO-7, nga liboan ka mga sakop sa Police Regional Office – Central Visayas (PRO-7) sa Bohol ang gipakatap alang sa pagpatuman og hugot nga seguridad sa Welcome Dinner event para sa mga delegado sa ASEAN Tourism Forum sunod semana.
Sigon ni Molitas nga mitambong usab ang pipila ka mga ahensya sa kalihokan, sama sa National Organizing Committee, pipila ka mga sakop sa Department of Tourism, Department of Trade and Industry og pipila ka buhatan.
Gibutyag usab niini nga ang pipila ka mga meetings nga ipahigayon sa Ilo-ilo ibalhin sa Bohol og midugang nga walay igong adlaw kung kanus-a mahuman gumikan kay ang Asean Tourism Forum, ipahigayon sa usa ka tuig.
Gihimug-atan usab ni Molitas, nga walay angay ikabalaka gumikan kay nakig-alayon na ang sakop sa mga kapulisan sa nagkalain-laing uniformed personnel sama sa Bureau of Fire Protection, Philippine Coast Gaurd, Armed Forces of Philippines aron masiguro ang luwas og hapsay nga pagpahigayon sa ASEAN Summit.
Hinungdan nga wala ray natala nga mga reklamo maylabot sa maong mga kalihokan gikan sa mga delegado.
Giklaro usab niini nga dili ra makaapekto ang ASEAN Summit sa panginabuhian sa mga local hilabi na sa mga gagmayng negosyante og midugang nga mas makapalambo kini sa ekonomiya sa Probinsya sa Bohol.
