-- ADVERTISEMENT --
Usa ka bamboo stalk ang miturok og mitubo sa gitas-on nga 6 metros sulod sa poste sa suga sa China.
Sa video nga mikatap online, makit-an ang maong poste sa World Trade Plaza sa Xinchang County, Zhejiang Province sa China diin gitawag nila kining “Indomitable Bamboo” sa paglahutay sa kawayan nga mutubo sulod sa gamayng buslot sa poste.
Nakapakugang kini sa mga netizens tungod kay kasagaran sa mga tanom kay dili mabuhi sa niob nga mga dapit apan ang maong kawayan kay buhing dako nga aduna pay yabong nga mga dahon.
Lakip sa mga nakamatyag sa maong kawayan kay ang mga batang gagmay nga mangagi sa maong dapit sa ilang “amazement” sa maong panghitabo.
