Nagpadala ang Philippine Navy og usa ka guided-missile frigate, ang BRP Jose Rizal (FF150), aron pagpahigayon og search and rescue operations para sa MV Devon Bay, usa ka Singaporean-flagged cargo vessel nga nalunod duol sa Scarborough Shoal niadtong Enero 22.
Nahitabo ang insidente 55 nautical miles amihanan-kasadpan sa Bajo de Masinloc, Zambales, diin ang barko nagdala og 21 ka Pilipinong tripulante, ug 15 ang naa sa stable nga kondisyon, 2 ang kumpirmadong patay, samtang 4 ka tripulante ang nawala pa, sumala sa usa ka post sa China Military Bugle.
Sumala sa tigpamaba sa PCG nga si Capt. Noemie Guirao-Cayabyab, ang China Coast Guard (CCG) unang nihatag og tabang human mabawi ang 17 ka Pilipinong tripulante.
Naglaum ang mga awtoridad nga makit-an nila ang nahibiling mga Pilipinong tripulante nga nawala sa insidente.
