Nagkauyon ang Estados Unidos ug Iran nga magpahigayon og mga dayalogo sa Oman karong adlawa tungod sa nagkagrabe nga tensyon.
Una ng giingon sa Washington nga ang mga panagsulti mag-focus sa missile arsenal sa Tehran ug sa programa sa nukleyar niini.
Misamot ang tensyon tali sa duha ka nasud tungod sa pagpanghadlok sa Iran sa mga nagprotesta ug ang pagpadala sa dugang nga pwersa sa US sa Middle East, ingon man ang pasidaan ni U.S. President Donald Trump nga mahimo niyang bombahan ang Iran bisan unsang orasa.
Sa laing bahin, nahibal-an nga sila si US special envoy Steve Witkoff, Trump son-in-law Jared Kushner,ug si Iranian Foreign Minister Abbas Araqchi gikatakda nga maghisgot sa mga sangputanan sa mga tensyon sa rehiyon.
Samtang ang lugar alang sa mga panagsulti gikatakda nga ibalhin sa Istanbul, sumala sa gusto sa Iran.
Nagpasidaan ang US nga ang kapakyasan sa Tehran sa pagsunod sa kasabutan mahimong magbilin ug kadaot alang sa nasud.
Hinuon, masaligon ang embahador sa Iran nga ang duha ka nasud makab-ot og kasabutan nga makatangtang sa mga silot sa Kasadpan.
Samtang, ang nagkagrabe nga tensyon nakapataas usab og mga kabalaka bahin sa ekonomiya sa Iran, nga naapektuhan sa pagsaka sa presyo sa lana ug sa hulga sa posibleng mga airstrike.
