Gisaway ni Mamamayang Liberal Party-list Representative Leila De Lima ang giingong dayag nga pagpanalipod ni Senador Rodante Marcoleta sa interes sa China.
Sumala ni De Lima, imbes nga modapig sa Pilipinas, ang bag-ong senador daw mas mipabor sa China – daw nagdepensa sa nasud, ug nanalipod sa interes niini sa West Philippine Sea.
Imbis nga modapig si Marcoleta sa mga opisyal sa Pilipinas nga giatake sa Embahada sa China nga nakabase sa Manila nga giingong midapig siya sa mga opisyal sa embahada.
Wala usab matingala si De Lima nga ang ubang mga Pilipino nagtawag kang Marcoleta ug sa ubang mga Senador nga ‘Tsinador’.
Sumala sa magbabalaod, ang ‘friendly debate’ nga giluto tali ni Marcoleta ug kanhi Supreme Court Associate Justice Antonio Carpio kay ‘welcome’ aron mas makakuha og mas lapad nga kahibalo bahin sa West Philippine Sea ug aron ipakita kung kinsa ang tinuod nga adunay gugma ug pagpasalamat sa Pilipinas.
Gipaboran usab ni De Lima si Carpio nga atubangon si Marcoleta aron hisgutan ang mga katungod sa Pilipinas sa gikuwestiyon nga kadagatan nga usa ka butang nga pamilyar ug nasinati sa kanhi mahistrado sa korte suprema.
Gihinumduman ni De Lima ang pagkamiyembro ni Carpio sa delegasyon sa Pilipinas nga mitungha sa Arbitral Tribunal sa The Hague, Netherlands aron suportahan ang pag-angkon sa Pilipinas sa WPS, nga sa katapusan nadaog sa nasud.
