Gitino ni Professor Danilo Arao, ang Kontra Daya Convenor, nga klaro ug tataw nga adunay state of repression ubos sa administrasyon ni kanhi president Rodrigo Duterte , ug aduna siya’y napasirado nga media outlet, ingun man ang grabing pagpanghadlok ug pagpang harass sa nagkadaiyang news media outlet kaniadto.
Dugang ni Arao, aduna say cencorship nga nahitabo sa dihang dul-an na matuldokan ang termino sa kanhi presidente kaniadto.
Mao kini ang gikabutyag ni Arao, atoll sa eksklusibong pakighinabi sa Bombo Radyo Cebu newsteam kaniya aron sa pagsuta kung unsa ang kahimtang sa media kaniadto sa administrasyon ni Duterte, subay sa mga hungihong nga ang mga peryodista kaniadto, dili makatarungan ug wala galangkob og kamatuoran.
Subay niini, ligdong ang baruganan ni Arao nga taliwala sa nag ingun nga ang media kaniadto nag baton og “twisted” nga pamalakad sa pagpang apod-apod sa impormasyon, apan, alang kaniya, ang administrasyon ang ni Duterte mao ang representante sa “twisted” dili lamang sa mga news media outlet, apan lakip na usab sa mga peryodista.
Wala usab palabya ni Arao ang kaniadtong sexism ug cat calling ni Duterte ngadto na sa mga kababay-ang peryodista, diin iyang gitataw nga ubay-ubay ang giingong nabiktima, nga bisan paman igo ra nga nibuhat sa trabaho, apan nakadawat og grabing pagbinastos gikan sa kanhi presidente.
Kini nga pamahayag ni Arao subay sa pamahayag ni lead legal council sa kanhi presidente nga si Nicholas Kaufamn, nga ang mga media gi-portray nga impluwensyal ug adunay kontrol sa kung unsa man ang mahitabo, ingun man giingong nga ang media nag-promote og partisan agenda
