Temporaryo nga ipatuman sa gobyerno ang 4-day work week sa pipila ka mga opisina sa ehekutibo sugod Marso 9, 2026.
Apan, giklaro ni Presidente Ferdinand “Bongbong Marcos Jr. nga wala kini maglakip sa mga opisina nga naghatag og emergency ug frontline services sama sa kapulisan ug mga bombero.
Dugang pa, gimandoan usab sa Presidente ang tanang ahensya sa gobyerno nga magdaginot sa konsumo sa kuryente ug petrolyo ug idili ang wala kinahanglana nga pagbiyahe ug mga kalihokan sa gobyerno.
Gipasiugda sa Presidente nga mangayo siya sa Kongreso og gahum aron temporaryo nga makunhuran ang excise tax sa mga produkto sa petrolyo.
Kini kung ang presyo sa lana moabot sa 80 dolyares kada bariles sa internasyonal nga merkado.
Ang lakang nagtumong sa pagpugong sa sobra nga pagtaas sa presyo sa gasolina ug diesel sa nasud.
Ang Palasyo nagpagawas na og memorandum circular nga gipirmahan ni Executive Secretary Ralph Recto bahin sa upat ka adlaw nga trabaho sa usa ka semana.
