Gihisgutan karon ang wedding ban sa aktres nga si Bea Alonzo ug sa iyang uyab nga si Vincent Co human migawas ang ilang mga pangalan sa marriage banns sa St. Peter the Apostle Parish niadtong Marso 8.
Atol sa livestream sa simbahang Katoliko gipahibalo sa simbahan ang ilang giplanong kasal basi sa tradisyon sa Katoliko.
Gawas sa ilang mga pangalan, gipaambit usab sa anunsyo nga nagpuyo ang duha sa usa ka luxurious area sa Paco, Manila.
Kahinumduman niadtong Agosto 2025, gikumpirmar ni Alonzo ang relasyon niini kang Co, ang presidente sa usa ka sikat nga supermarket.
Bisan pa sa mga hungihong sa engagement, ang aktres miingon nga gusto niyang ipadayon nga pribado ang ilang relasyon.
Niadtong Oktubre 2025, gihimakak usab niini ang mga hungihong nga buntis kini nga giingong sayop nga interpretasyon sa mga hulagway ug video nga mikatap online.
