Mipadayag sa iyang kakurat si Cebu Provincial Vice Governor Glenn Anthony Soco human ginganlan kini ni Governor Pamela “Pam” Baricuatro og “hypokrito” bahin sa kontrobersiya sa sugyot nga P211-million tax compromise sa usa ka quarry company nga nag-operate sa habagatang probinsya.
Sa pakighinabi sa mga sakop sa tigbalita ni Soco, nagkwestiyon kini kung nganong gi-single out siya kabahin sa maon isyu.
Asoy pa niini nga nakurat siya sa komento sa gobernadora sa press conference niini niadtong Marso 11 nga wala niya magdahom nga mahinganlan siyang “hypokrito” kay bisan kaniadto kay wala siya kasuway nanganlan sa maong pasangil.
Dugang sab sa bise gobernador nga ang gobernadora isip chief executive sa Kapitolyo kay dapat mao kini ang mangulo sa paggiya sa probinsya apan wala man kini sa iyang kontrol maong kung unsa man ang rason niini kay iya pud kana.
Nanukad ang panagsungi ni Soco ug Baricuatro sa proposed P211-milyones nga tax compromise sa Apo Land and Quarry Corporation (ALQC) nga gikan sa P1.21-bilyones sa kwentadang 82.64% nga diskwento nga pagatukion sa Cebu Provincial Board.
