Wala gisalikway sa pipila ka mga transport groups sa Sugbo nga ang fuel subsidy nga itanyag kanila sa gobyerno, kuwangon ra ug dili pa-igo.
Sa eksklibong pakighinabi sa Bombo Radyo Cebu kang Ellen Maghanoy, ang Chairperson sa El Pardo Transport Cooperative, iyang giklaro nga ang nadunggan nila nga kantidad nga fuel subsidy nga giingong nagkantidad og 10,500, kuwangon ra kung buot huna-hunaon gumikan sa nagpadayong saka gihapon sa mga presyo sa produktong petrolyo.
Apan, iya usab nga gitino nga bisan paman ang maong kantidad sa disbursement nga ihatag ka usa ka higayon sa usa ka tuig, maayo nalang kini kaysa wala silay madawat.
Sa pikas bahin, susama ra usab ang nahimong pamahayag ug baruganan ni Roberto Orilla, ang Vice Chairperson sa Federation of Cebu Transport Cooperative (FCTC) nga ang maong kantidad nga ipang apod-apod, dili kasigo subay gihapon sa senemanang pagsaka sa mga presyo sa produktong petrolyo.
