Malampusong giablihan sa Bureau of Fire Protection – Central Visayas (BFP-7) ang bag-ong Public Information Unit (PIU) Office and Studio niini sa Regional Fire Station, Barangay Pahina Central ning dakbayan sa Sugbo niadtong Lunes, Marso 16, 2026.
Gitamboangan sa kadagkuan sa BFP-7 ang maong inauguration sa ilang bag-ong pasilidad nga gipangulohan ni Regional Director Fire Chief Superintendent Fred Trajeras aron ipadayag sa publiko ang ang mas gipalambo nga public awareness ug information dissemination sa ilang buhatan.
Nagtimaan kini sa mas gipabaskog nga communication capabilities sa kabumberohan sa rehiyon, mas paspas, mas takdo, ug mas epektibong pagtunol og kasayuran bahin sa fire safety ngadto sa publiko.
Sa pamahayag pa ni Trajeras, namulong kini nga dako ang matampo sa ilang bag-ong pasilidad sa pagsibya sa publiko sa ilang mga kalihukan sama sa recruitment processes ug mga selebrasyon sa ahensya nga nagpalapad sa kalaam sa paglikay sa delubyo sa sungo ug uban pang katalagman.
