Nagtagbo ang mga opisyal sa Kagamhanang Dakbayan sa Sugbo ug mga pangu sa transport groups sa syudad niadtong Martes, Marso 24 aron hisgutan ang mga hagit nga gisalimuangan sa sektor sa pampublikong transportasyon.
Nakatutok ilang panagpulong sa hisgutanan sa fuel assistance, sa deployment sa Cebu Bus Rapid Transit (CBRT), ug sa planong pag-usab sa routa sa mga sakayan ubos sa Local Public Transport Route Plan (LPTRP).
Gipasabot sa mga opisyal sa dakbayan nga ang sugyot nga fuel subsidy kay itugyan lang sa mga kwalipikadong benepisyaryo diin priyoridad ang mga botante sa syudad aron pagtipig sa ilang inadlaw nga operasyon. Aron mapahapsay kini, adunay proseso nga ilatid sa mga beripikadong istahan sa mga drayber nga nagpuyo sa syudad aron maabot kanilang ang hinabang.
Ipaagi sa supplemental budget ang pagpundo sa maong subsidy diin gikatakdang i-endorse sa Cebu City Development Council para sa approval.
Samtang sa CBRT, gipunto pud niini ang striktong pagpatuan sa designated loading and unloading points aron hanoy ang dagan sa dedicated lanes.
Gilaraw sa kagamhanang dakbayan ang importansya sa pagtinabangat aron malabang ang krisis nga nasinati karon tali sa mga drayber, operators, ug commuters.
Nahisgutan sab ang pag-usab sa mas han-ay ug organisadong routa sa syudad ubos sa LPTRP. Diin nakakuha na kini og pagtugot gikan sa Land Transportation Franchising and Regulatory Board ug under review nalang sa Cebu City Council.
