Gipanghimakak ni Cebu Governor Baricuatro ang migawas nga mga taho nga wala siya mipaabot og pagtimbaya kang kanhi Presidente Rodrigo Duterte.
Giklaro sa gobernador nga ang video nga mikatap sa social media giandam ug gigamit na niadtong miaging adlaw alang sa rally sa Central Luzon DDS group ubos sa koordinasyon ni Dr. Edwin Maniti.
Gipaambit niya kini karong adlawa, Marso 29, aron tubagon ang mga kritiko nga nag-akusar kaniya nga wala siya’y pagtimbaya sa kanhi pangulo. Gitawag sa gobernador nga “fake news” ug usa na usab ka “demolition job” ang maong mga pasangil batok kaniya.
Gahapong adlawa usab, nagpahigayon og free concert ang mga supporters sa mga Duterte gahapon sa gabii, Marso 28, 2026, nga gipahigayon sa Plaza Independencia ning dakbayan sa Sugbo.
Ang maong free concert nga gidumala sa mga supporte ni Kanhi Presidente Rodrigo Duterte gidalit kini sa selebrasyon sa ika-81 nga adlawng natawhan sa kanhi presidente.
Ingun man nga gipangulohan kini nga aktibidad sa Cebu Alliance for Duterte 2028, diin anaa ang presensya sa mga nagkalain-laing local nga banda ang mopasundayag sa maong kalihokan sama sa Phylum, Aggressive Audio, ug ang Cookies.
