Gipasalig ni Atty. Michael Poa nga ang pundo nga gigamit ni Bise Presidente Sara Duterte sa pag-atubang sa kaso sa impeachment batok kaniya dili gyud gikan sa kwarta sa mga magbubuhis.
Sa usa ka interbyu sa Bombo Radyo Philippines, giklaro sa abogado nga dili ang Office of the Vice President (OVP) o ang pundo sa gobyerno ang gigamit sa pagbayad sa mga abogado sa Bise Presidente sa iyang kaso sa impeachment.
Matod niya nga kini usa ka personal nga kapasidad, busa ang kaugalingong pundo ni VP Sara gamiton usab alang sa tanang gasto sama sa sweldo sa mga abogado, pagkolekta sa mga dokumento, ug uban pa.
Giinsistir ni Atty Poa, kung adunay gibayad sa mga abogado ni VP Sara, kini gikan sa iyang kaugalingong bulsa, ug dili gikan sa gobyerno sa Pilipinas.
Sa pagkakaron, matod niya, ang mga abogado ni VP Sara nagpadayon sa ilang pagpangandam sama sa ilang gibuhat niadtong 2025 sa dihang unang na-impeach ang bise presidente sa Kamara.
Matod niya, ang pagpangandam sa mga abogado karong tuiga halos parehas ra sa pagpangandam sa miaging tuig.
