Napakyas ang petisyon nga gisang-at ni Atty. Mans Carpio aron ihunong ang impeachment proceedings batok kang Bise Presidente Sara Duterte. Kini human gibasura sa Quezon City Regional Trial Court (RTC) Branch 81 ang reklamo sa kampo ni Carpio.
Sumala sa korte, ang RTC walay hurisdiksyon sa pagpanghilabot sa gahum sa House of Representatives sa pagpahigayon sa impeachment proceedings subay sa Konstitusyon.
Gibasura usab sa korte ang hangyo alang sa writ of preliminary injunction batok kang House Speaker Bojie Dy, House Committee on Justice chairperson Rep. Gerville Luistro, ug BIR Commissioner Charlito Martin Mendoza.
Gipasiugda sa korte nga ang House Committee on Justice adunay gahum sa pag-isyu og mga subpoena isip kabahin sa mandato niini sa konstitusyon sa proseso sa impeachment.
Matod pa sa desisyon, ang petisyon alang sa pagdili GIBASURA tungod sa kakulang sa hurisdiksyon.
Kini human sa pag-apruba sa House Committee on Justice sa Articles of Impeachment batok kang VP Duterte, nga gikatakdang botohan sa plenaryo sa House sa umaabot nga Mayo 11, 2026.
