Gipaniguro sa National Irrigation Administration (NIA) nga andam kini sa posibleng epekto sa El Niño pinaagi sa mga proyekto nga nagpalig-on sa climate resiliency ug nagseguro sa igong suplay sa tubig alang sa agrikultura sa nasod.
Matod ni NIA Administrator Eduardo Guillen, dugay nang nangandam ang ahensya alang sa hulaw ug kausaban sa klima (climate change) pinaagi sa mga proyekto nga nagtumong sa pagpaminos ug pagpahiangay sa kakulang sa tubig.
Taliwala sa pag-ubos sa lebel sa tubig sa pipila ka mga dam, gipahayag ni Guillen nga padayon nilang gibantayan ang sitwasyon aron masiguro ang hustong pag-apod-apod sa patubig.
Aron mamenosan ang pag-unlod sa produksyon, giawhag sa NIA ang mga mag-uuma sa pagtanom una og mga alternatibong pananom nga dili kaayo magkinahanglan og dako nga tubig sama sa mais ug mga liso.
Padayon usab ang koordinasyon sa ahensya ngadto sa Department of Agriculture (DA) ug sa mga lokal nga kagamhanan aron matagaan og saktong suporta ang mga mag-uuma.
Dugang pa niini, gipaspasan na karon sa NIA ang pagtukod sa Bayabas Dam sa Bulacan ug ang pagpatuman sa mga solar irrigation projects aron mapalig-on ang suplay sa tubig ug hingpit nga masagubang ang epekto sa El Niño.
