Giklaro sa kapulisan nga walay mga bug-at nga gibutang sa mga patayng lawas sa mga player sa basketball sa Ateneo de Manila University nga sila si Rene Baterbonia ug Divine Adili sa dihang nalumos sila sa Dipaculao, Aurora.
Matud ni Dipaculao Police Chief Major Eduardo Mendoza Jr. nga kini sukwahi sa mga report nga mikatap sa social media nga ang mga pabug-at gibutang sa duha ka atleta isip kabahin sa usa ka team-building activity.
Gidugang niini, gibase sa mga report gikan sa mga personahe sa Municipal Disaster Risk Reduction and Management Office ug mga opisyal sa kapulisan.
Ingon man nga una nang gipaambit ni Aurora Police Provincial Director Colonel Percival Pineda nga wala silay nakitang foul play sa insidente ug gituohan nga ang duha ka atleta naanod sa kusog nga balod hangtod nga nalumos.
Busa, nanawagan ang Provincial Director sa publiko nga dili magpakatap og sayop nga impormasyon isip timaan sa pagtahod ug simpatiya sa mga nagbangotan nga pamilya sa mga biktima./////
Nagpaabot usab og pahasubo ang Ateneo de Manila University sa mga pamilya sa duha ka magduduwa sa basketball.
