Andam ang Pilipinas sa posibilidad nga adunay Visiting Forces Agreement (VFA) uban sa Germany. Kini gipahibalo ni Presidente Ferdinand Marcos Jr. atol sa usa ka hiniusa nga press conference uban ni German President Frank-Walter Steinmeier.
Apan giangkon sa hepe ehekutibo nga layo pa kini sa kasamtangan.
Sa laing bahin, gipasigarbo sa Presidente nga ang relasyon tali sa Pilipinas ug Germany nagpadayon sa pag-uswag, hilabi na sa natad sa militar, depensa, ug seguridad.
Dugang niini nga kung moabot ang hustong panahon ug makab-ot ang usa ka kasabutan, andam ang Pilipinas nga tun-an ug dawaton ang susamang kasabutan.
Gipasiugda ni Pres. Marcos ang kamahinungdanon sa pagbaton og dugang nga mga alyansa taliwala sa nagbag-o nga mga isyu sa geopolitical sa kalibutan.
Ingon man nga ang multilateral nga kooperasyon mao ang yawe sa pagmintinar sa kalig-on ug seguridad sa mga nasud.
