Napili si Senador Vicente “Tito” Sotto III isip bag-ong Senate President Pro Tempore human sa laing reorganisasyon nga nahitabo sa taas nga kapulungan sa Kongreso karong adlawa, Miyerkules, Hunyo 17, 2026.
Ginominar ni Senador Panfilo “Ping” Lacson si Sotto alang sa maong posisyon, ug kini daling gisuportahan sa nahabiling lider sa Senate Majority nga si Senador Juan Miguel “Migz” Zubiri.
Pormal nga gipulihan ni Sotto sa maong pwesto si Senador Sherwin Gatchalian, kinsa temporaryo lamang nga naghupot niini nga katungdanan human usab sa unang reorganisasyon sa hawanan niadtong Hunyo 3.
Kahinumduman nga sa wala pa ang maong sunod-sunod nga kausaban, si Senador Loren Legarda ang naglingkod isip Senate President Pro Tempore.
Human sa nominasyon, opisyal nga nanumpa si Sotto sa iyang bag-ong posisyon, diin ang iyang pagpanumpa gipangulohan mismo sa bag-ong napili nga Senate President nga si Sherwin Gatchalian.
