Over sa kilig, over sa chemistry!
Human sa kapin sa usa ka dekada nga wala magkauban, ang R&B singer nga si Kris Lawrence gidawat ang new chapter uban sa iyang kanhing partner nga si Katrina Halili, nga miangkon nga kon hatagan siya og ikaduhang higayon sa gugma, kini usa ka butang nga dili niya planong usikan.
Si Kris ug Katrina, kinsa nagbulag niadtong 2014 human sa lima ka tuig nga panag-uban, adunay anak nga babaye, nga si Katie. Sa sayo pa ning tuiga, ang kanhing magtiayon nagkabalik pag-usab ug nagsugod sa pagtukod sa ilang relasyon pinaagi sa co-parenting, usa ka butang nga giingon ni Kris nga nakapausab dili lamang sa ilang family dynamic, apan sa kinatibuk-ang sa ilang anak.
Gisaysay ni Kris ang kamahinungdanon sa pagmintinar sa gugma ug respeto sa usa ka kanhing partner, labi na sa pagpadako sa usa ka bata nga magkauban.
Alang kang Kris, ang balanse tali kanila isip duha ka ginikanan adunay importanteng papel sa emosyonal nga kalamboan ni Katie, tungod kay siya adunay mild autism. Gipasabot niya nga tungod kay ang ilang anak nga babaye adunay mga bahin sa iyang kaugalingon ug ni Katrina, ang panag-uyon tali kanila direktang makaapekto sa iyang pagbati sa seguridad.
Sa pagkakaron, daghan ang hungihong online tungod sa ilang mga live streaming nga super sa sweet apan wala pay kompirmasyon sa duha kung nagbalik na ba sila.
