Misang-at na og opisyal nga reklamo ang Algerian Football Federation (FAF) sa FIFA tungod sa giingong dili patas nga pagpangu sa referee atol sa ilang duwa batok sa Argentina sa 2026 FIFA World Cup.
Gikataho nga gikuwestiyon sa Algeria ang desisyon nga dili silotan si Lionel Messi human niya natumban ang bitiis sa ilang team captain nga si Aïssa Mandi.
Bisan pa sa insidente, si Messi nakapuntos og hat-trick sa 3-0 nga kadaugan sa Argentina.
Apil usab sa reklamo ang wala masiloti nga siko ni Alexis Mac Allister kang Ibrahim Maza sa ikaduhang bahin, nga giingon sa Algeria nga kinahanglan unta nga gisusi sa VAR.
Ang FAF miingon nga ang mga insidente misangpot sa kakulang sa pagsalig sa mga sumbanan sa officiating sa torneyo.
Samtang, ang Argentina nagpabilin nga naka-focus sa ilang sunod nga duwa batok sa Austria, samtang ang Algeria nangandam sa pag-atubang sa Jordan sa Hunyo 23.
