Panghingusgan sa kagamhanan sa Dakbayan sa Mandaue, ang pagpahogut sa siguridad sa mga pampubliko ug pribadong mga tunghaan sa siyudad, hinungdan nga nagpahigayon panagtagbo ang Local School Board ug ang lokal nga kagamhanan sa Mandaue City niadtong Miyerkules, Hunyo 24 aron mapalig-on ang mga lakang batok sa school violence ug uban pang insidente nga mahimong mahitabo sulod sa mga eskwelahan.
Kini human sa nahitabong pagpamusil sa usa ka tunghaan sa Tacloban City niadtong Hunyo 22. nga nakakalas og 3 ka kinabuhi.
Matud ni Mandaue City Mayor Thadeo “Jonkie” Ouano nga importante ang kaandam sa siyudad ug sa tanang eskwelahan aron masiguro ang kaluwasan sa mga estudyante, magtutudlo, kawani, ug ginikanan sa panahon sa emerhensiya.
Usa sa mga lakang nga gitan-aw sa local board mao ang pagpalambo sa live monitoring systems sa mga eskwelahan aron mas paspas ang komunikasyon ug emergency response.
Lakip usab ang pagdugang og CCTV cameras ug ang paggamit sa walkthrough o handheld metal detectors aron mas hugot ang inspeksyon sa pagsulod sa school premises.
Ipakatap usab ang mga sakop sa kapulisan sa Mandaue City Police Office (MCPO) sa 48 ka mga tunghaan sa siyudad aron mapalawom ang police visibility ug mas mapadali ang responde sa bisan unsang emerhensiya.
Nakigtambayayong usab ang kapulisan sa mga barangay pinaagi sa Barangay Public Safety Officers (BPSO) aron mas mapalig-on ang seguridad sulod ug gawas sa mga eskwelahan.
Padayon usab nga palig-onon sa siyudad ang mental health support programs ug ang implementasyon sa Anti-Bullying Policy sa mga eskwelahan pinaagi sa koordinasyon sa Mandaue City Substance Abuse and Mental Health Services Office (SAMHSO) ug City Social Welfare Services Office (CSWSO).
Gipaningkamotan usab sa konseho ang paghimo og mga polisiya ug lakang nga nagseguro sa kaluwasan sa mga tinun-an ug magtutudlo, aron mapadayon ang
