Nihimo og kasaysayan ang Canada human kini naka-abante sa Round of 16 sa FIFA World Cup 2026 sa unang higayon pinaagi sa 1-0 nga kadaugan batok sa South Africa sa knockout stage.
Ang knockout stage sa FIFA World Cup 2026 human sa 17 ka adlaw nga aksyon sa group stage, diin ang matag duwa nahimong “win-or-go-home” tungod kay ang mapildeng koponan awtomatikong ma-eliminate sa torneyo.
Sa unang duwa sa knockout round, napildi sa host country nga Canada ang South Africa, 1-0, sa SoFi Stadium sa Inglewood, California.
Ang nag-inusarang goal sa duwa gihimo ni Stephen Eustaquio sa ikaduhang minuto sa stoppage time sa second half, nga maoy naghatag sa Canada sa ilang unang pagsulod sa Round of 16 sa kasaysayan sa World Cup.
Nahimong espesyal usab ang duwa tungod sa pagbalik sa Captain sa Canada nga si Alphonso Davies, kinsa wala nakaduwa sa tibuok group stage tungod sa hamstring injury.
Sa sunod nga hugna, atubangon sa Canada ang mananaog sa duwa tali sa Morocco ug Netherlands nga ipahigayon sa Houston, Texas.
Ang Canada nakaabot sa knockout stage human motapos sa ikaduhang pwesto sa Group B. Usa kini sa tulo ka host country sa FIFA World Cup 2026 kauban ang United States ug Mexico.
