Gipaambit ni DSWD Secretary Rex Gatchalian, nga natumbok sa mga social worker nga adunay discernment o hingpit nga pagsabot ang 15-anyos nga suspek sa pagpamusil sa eskwelahan sa Tacloban City nga nakapatay sa tulo ka estudyante sa iyang mga aksyon.
Matod niya nga ang assessment isumiter sa korte, nga maoy modesisyon kung dawaton ba kini isip ebidensya sa kaso. Gipaabot usab sa DSWD ang resulta sa psychological assessment sa 15-anyos ug 14-anyos nga mga suspek aron makahimo og angay nga intervention program.
Ingon man nga una ng nisang-at ang mga awtoridad og mga kasong kriminal batok sa 15-anyos nga suspek, samtang ang 14-anyos gi-exempt sa criminal liability ubos sa Juvenile Justice and Welfare Act. Ug susama silang anaa karon sa Regional Rehabilitation Center for Youth.
Sa samang higayon, si Gatchalian miingon nga ang DSWD andam nga moapil sa diskusyon sa sugyot nga ipaubos ang edad sa criminal liability./////////
Matod niya nga importante nga susihon kung kinahanglan ba nga usbon ang balaod o kung ang problema anaa ba sa implementasyon niini, labi na sa atubangan sa mga bag-ong hagit sama sa internet, bullying, ug uban pang mga hinungdan sa peligro.
