Ablihan sa publiko ang impeachment trial ni Bise Presidente Sara Duterte sa Hulyo 6.
Diin 61 lang ka lingkoranan ang ireserba alang sa publiko sa matag adlaw sa hearing ug ang first-come, first-served system ipatuman pinaagi sa online registration sa Senate Visitor Management System.
Ang registration ablihan sa alas 2:00 sa hapon, usa ka adlaw sa dili pa ang gikatakdang pagdungog.
Sa pikas bahin, gihimug-atan usab ni House prosecution panel spokesperson ug impeachment trial adviser Kanhi Surigao del Norte Rep. Robert Ace Barbers nga ang gipaabot nga plunder case ug ang gitaho nga arrest warrant batok kang Sen. Rodante Marcoleta walay kalabotan sa umaabot nga impeachment trial sa Bise sa Senado.
Sumala ni Barbers, ang kaso batok kang Marcoleta gibasi sa iyang kaugalingong pag-angkon nga nakadawat siya og P75 milyon nga campaign funds gikan sa tulo ka mga higala, nga giingong wala niya gideklara sa iyang Statement of Assets, Liabilities and Net Worth (SALN) ug Statement of Contributions and Expenditures (SOCE) atol sa 2025 midterm elections.
