Gikonsiderar ni Gilas Pilipinas head coach Tim Cone nga murag “Game 7” ang ilang duwa batok sa New Zealand karong Biyernes sa 2027 FIBA World Cup Asian Qualifiers, tungod sa kamahinungdanon niini sa ilang kampanya.
Matod ni Cone, target sa Gilas nga makakuha og labing menos usa ka daog sa ilang duha ka sunod nga duwa batok sa New Zealand ug Australia sa ikatulong window sa qualifiers.
Ang duwa batok sa New Zealand magsugod alas 3:00 sa hapon karong Hulyo 3, samtang ang sunod nilang kontra nga Australia ipahigayon sa Hulyo 6.
Sa pagkakaron, ang Gilas Pilipinas adunay duha ka daog ug duha ka pildi sa ikaduhang hugna sa Group A.
Dugang ni Cone nga importante alang kanila nga makakuha og daog tungod kay kung wala silay madaog, gamay ra kaayo ang ilang tsansa nga makaabante sa sunod nga hugna.
