-- ADVERTISEMENT --
Gisuspendi ang klase sa Talisay City National High lakip ang Talisay City Elementary School karong adlawa, Lunes, Hulyo 6.
Kini tungod kay adunay Facebook post sa account nga “Zane Bacalso” nga karon deleted na, nga nanghulga nga adunay mahitabong pagpamusil karong adlawa.
Busa, nakahukom si Talisay City Mayor Samsam Gullas nga suspensuhon ang klase, inabagan sa mga sakop sa kapulisan ug Talisay City DepED, ingon man mga sakop sa SWAT team aron nga masusi sa mga otoridad ug masiguro nga luwas ang tibuok compound.
Gipasalig ni Gullas nga subayon ang tag-iya sa maong account aron nga manubag sa balaod tungod sa kahadlok nga gihatag niini sa mga tinun-an ug mga magtutudlo.
