Mibuto ang summit crater sa Bulkan Kanlaon pinaagi sa usa ka kasarangan nga pagbuto (moderately explosive eruption) sa may alas-7:33 karong buntaga, Hulyo 9, 2026, nga nilungtad og tulo ka minuto subay sa narekord nga seismic ug infrasound.
Nagpagawas ang maong pagbuto og itom nga aso (eruption plume) nga misaka og duha hangtod tulo ka kilometro ibabaw sa baba sa bulkan sa wala pa kini mapadpad paingon sa sidlakan.
Namatikdan usab pinaagi sa Upper Pantao Observation Station (VKUP) sa Dakbayan sa Canlaon ang hanap nga pagkanaog sa pyroclastic density currents (PDCs) sa habagatan-sidlakang bakilid sa bulkan, diin kini posibleng miabot sulod sa usa ka kilometro gikan sa summit.
Gipadayon sa pagkakaron ang Alert Level 2 sa ibabaw sa Bulkan Kanlaon, ug hugot nga gidid-an ang pagsulod sa upat ka kilometro nga Permanent Danger Zone (PDZ).
