Gidayeg ang pamahayag ni Presidente Ferdinand “Bongbong” Marcos Jr. bahin sa padayon nga pagpanghasi sa China sa mga barko sa Pilipinas sulod sa exclusive economic zone.
Dungan kini sa pagbarog sa 2016 Arbitral Award ug taliwa sa pagpagawas og AI-generated content sa mga media sa China nga nagtandi sa mga Pilipino sa mga unggoy, usa ka butang nga hugot nga gikondenar sa Presidente.
Giinsistir ni Marcos nga ang Pilipinas dili magpadala sa bisan unsang porma sa insulto o okupasyon.
Dugang niya nga ang baruganan sa nasud sa West Philippine Sea dili lamang usa ka butang sa teritoryo apan dignidad ug soberanya sa katawhang Pilipino.
Giila usab ni Rear Admiral Jay Tarriela, ang tigpamaba sa Philippine Coast Guard sa West Philippine Sea, ang baruganan sa Presidente kabahin sa isyu sa West Philippine Sea.
Matod niya, importante ang baruganan sa presidente alang sa umaabot nga mga henerasyon.
