Pinal na ang rematch tali sa duha ka dagkong martial artists, nga sila si Joshua Van ug Alexandre Pantoja.
Basi sa mga detalye sa away nga gipagawas sa Ultimate Fighting Champion (UFC), ang away tali sa duha ipahigayon sa Crypto.com Arena sa Los Angeles, sa Septyembre 19 ning tuiga.
Ang 24-anyos nga si Van usa ka flyweight champion ug adunay win-loss record nga 17-2. Katapusan niyang nakuha ang 125-pound title niadtong Disyembre (2025) batok kang Pantoja pinaagi sa first-round technical knockout (TKO).
Ang maong away milungtad lang og 26 segundos human si Pantoja nakaangkon og injury sa bukton tungod sa agresibo nga mga suntok sa novice challenger.
Human sa malampusong away, si Van miapil usab sa usa ka duwa niadtong Mayo (2026) uban ni Tatsuro Taira. Ang maong away natapos pabor kang Van pinaagi sa fifth-round TKO.
Sa pagbalik sa 36-anyos nga Brazilian legend, siya adunay 30-5 win-loss record.
