Nagpahinumdom ang Department of Labor and Employment (DOLE) sa mga empleyado nga nakaagom og work-related injuries nga mahimo silang makakuha og kompensasyon taliwala sa kalamidad nga miigo sa nasud.
Kini ubos sa Employees’ Compensation Program sa Employees’ Compensation Commission (ECC), nga gidisenyo aron mapanalipdan ang kaayohan ug seguridad sa pinansyal sa mga trabahante.
Sumala ni ECC Executive Director Kaima Velasquez, ang sakup sa kompensasyon dili limitado sa oras nga gigugol sa trabahoan.
Ang giingon nga tabang pinansyal nagsilbing kapuli sa sweldo sa mga empleyado nga temporaryo nga dili makatrabaho tungod sa mga aksidente o sakit nga may kalabutan sa trabaho, hangtod nga sila mamaayo ug makabalik sa normal nga trabaho.
Ang mga pribadong empleyado mahimo usab nga mohangyo niini nga benepisyo pinaagi sa pag-file og mga claim sa Social Security System (SSS) samtang ang mga trabahante sa gobyerno mahimong mag-file og mga claim sa Government Service Insurance System (GSIS).
